Naibu Waziri wa Nishati na Madini, George Simbachawene
,,,,,,,,,,,,,
Kwa ufupi
Maeneo yaliyotajwa kwenye rasimu na kuwagusa
wabunge moja kwa moja ni kufutwa kwa viti maalumu badala yake, ukomo wa
ubunge ambao ni mihula mitatu, mawaziri kutokuwa wabunge na wananchi
kupewa uwezo wa kuwang’oa wabunge.
....
Dodoma. Siku moja baada ya Tume ya Mabadiliko ya Katiba chini ya
Mwenyekiti wake, Jaji Joseph Warioba kuweka hadharani Rasimu ya Katiba,
wabunge wa Bunge la Jamhuri ya Muungano wamekuwa wakitumia muda mwingi
kuijadili na kushindwa kufuatilia kikamilifu vikao vya Bajeti
vinavyoendelea Mjini Dodoma.
Tangu kutangazwa kwa rasimu hiyo Jumatatu iliyopita wabunge wengi wameonekana kukaa katika vikundi na kuijadili.
Siku hiyo, wengi walishindwa kufuatilia hoja za
Wizara ya Mawasiliano, Sayansi na Teknolojia ambayo ilikuwa ikihitimisha
mjadala wake wa Makadirio kiasi cha kumlazimu Naibu Spika, Job Ndugai
kuingilia kati kuwanyamazisha kutokana na kuendeleza mjadala kuhusu
Katiba ndani ya Bunge.
“Waheshimiwa Wabunge, hili la rasimu
lisiwachanganye, hebu tuache mijadala (kuhusu Rasimu ya Katiba),
tumsikilize Mheshimiwa Naibu Waziri (Januari Makamba),” aliwaeleza
wabunge.
Hata wakati Waziri wa Elimu na Mafunzo ya Ufundi,
Dk Shukuru Kawambwa alipokuwa akiwasilisha hotuba yake ya makadirio ya
wizara yake juzi, baadhi ya wabunge walikuwa wakizungumzia Rasimu ya
Katiba na kumlazimu Spika wa Bunge, Anne Makinda kukatisha hotuba ya Dk
Kawambwa na kusema: “Tuacheni mazungumzo, naona wabunge wengine
wamegeuza na viti na hawasikilizi.”
Maeneo yaliyotajwa kwenye rasimu na kuwagusa
wabunge moja kwa moja ni kufutwa kwa viti maalumu badala yake, ukomo wa
ubunge ambao ni mihula mitatu, mawaziri kutokuwa wabunge na wananchi
kupewa uwezo wa kuwang’oa wabunge.
Naibu Waziri wa Nishati na Madini, George
Simbachawene alisema wabunge kutokuwa mawaziri kutaleta mkanganyiko
mkubwa... “Pendekezo hilo limetuvuruga wengi kwani tulishazoea kufuata
mfumo wa Bunge la Uingereza, ambao unaelekeza kuwa waziri lazima awe
mbunge ama wa kuteuliwa au wa kuchaguliwa.”
Simbachawene ambaye pia ni Mbunge wa Kibakwe (CCM), alisema muundo wa Serikali tatu utavuruga Muungano.
Mbunge wa Ole (CUF), Rajab Mbarouk Mohamed kwa
upande wake alisema: “Naona Serikali tatu zitaongeza kero za Muungano
kama mambo ya umiliki wa rasilimali, fedha, Wizara ya Mambo ya Nje na
ukusanyaji wa kodi havitawekwa kuinufaisha Zanzibar.”
Mbunge wa Urambo Magharibi (CCM), Profesa Juma
Kapuya alisema kwa Tanzania inayotawaliwa na vurugu na migogoro kila
mahali, Rais hapaswi kupunguziwa nguvu na kwamba jambo hilo ni la
hatari.
Profesa Kapuya ambaye aliwahi kwa waziri katika
wizara mbalimbali alisema Rais anateua mtu kwa kuangalia hali ya mahali
husika na uwezo wake katika utendaji kazi.
NA MWANANCHI
NA MWANANCHI
This post was written by: Author Name
Your description comes here!
Get Free Email Updates to your Inbox!
Post a Comment