Ligi Kuu ya Vodacom Tanzania Bara Leo inaingia raundi ya pili kwa timuz ote kushuka viwanjani kusaka pointi tatu muhimu ili kujiweka katika nafasi nzuri.
Yanga watakuwa Uwanja wa Jamhuri,huko Morogoro ambapo watapambana na Mtibwa Sugar na viingilio vitakuwa Sh.3,000 kwa sh. 10,000,huku watani zao Simba wakiwa Uwanja wa Taifa Jijini Dar es Salaam kumenyana na maafande wa JKT Ruvu katika mapambano yanayotazamiwa kuwa ya kuvutia na viingilio vitakuwa sh. 5,000, sh. 8,000, sh. 15,000 na sh. 20,000
Katika viwanja vingine African Lyon iliyofungwa na Simba mechi ya ufunguzi itakwaana na Polisi Morogoro kwenye Uwanja wa Azam Complex, Dar es Salaam. Huku Ruvu Shooting itashuka kwenye Uwanja wake wa Mabatini, Mlandizi kuikabili Mgambo Shooting kutoka Handeni mkoani Tanga.
Tanzania Prisons iliyotoka sare tasa na Yanga itakuwa kwenye Uwanja wake wa Kumbukumbu ya Sokoine jijini Mbeya kuisubiri Coastal Union ya Tanga wakati Oljoro JKT itaitembelea Kagera Sugar kwenye Uwanja wa Kaitaba mjini Bukoba. Uwanja wa CCM Kirumba, jijini Mwanza utashuhudia mechi kati ya wenyeji Toto Africans na Azam.
This post was written by: Author Name
Your description comes here!
Get Free Email Updates to your Inbox!
Post a Comment