Dkt. Fenela Mukangalla
Serikali imesikitishwa na taarifa
zilizochapishwa na gazeti la Mtanzania Jumapili ukurasa wa 19 toleo
namba 7327 la tarehe 26 Mei mwaka huu yenye kichwa cha “DKT. MUKANGARA
ANA ROHO NGUMU HAJALI KITU” na ile ya gazeti la Rai la Alhamisi 30 Mei
2013 yote ya Kampuni ya New Habari (2006) Limited inayosema “ YA
MUKANGARA YASIACHWE YAKAPITA”.
Taarifa hizo hazina ukweli na
waandishi wa maoni hayo wanaonekana kutaka kumchonganisha Waziri na
wananchi kwa kuandika mambo ambayo hayana ukweli na yenye dhamira ya
kumchafua Waziri wa Habari, Utamaduni na Michezo Dr. Fenella Mukangara .
Ikumbukwe kwamba wakati Said Kubenea
akimwagiwa tindikali na Ndimara Tigambwage akiumizwa na majambazi
ilikuwa mwaka 2008 wakati huo Waziri Mukangara hakuwa Waziri wala hakuwa
Mbunge .
Kadhalika mwandishi wa habari Richard
Masatu alifariki huko Mwanza mwaka 2011, Waziri Mukangara alikuwa Naibu
Waziri chini ya Dr. Emmanuel Nchimbi.
Masuala ya waandishi wa habari kuuawa
na kuumizwa yako katika vyombo vya sheria hivyo basi si sahihi kwa
Waziri wa Habari kutoa kali kabla ya vyombo husika havijamaliza kazi
zake. Mara baada ya vyombo hivyo kumaliza kazi yao Wizara itakuwa na cha
kuwaambia wananchi.
Vile vile ikumbukwe kwamba Serikali
hufanya kazi kama kitu kimoja wakati wa utekelezaji wa majukumu yao
mbalimbali ambayo yaweza kuingilia toka Wizara moja hadi nyingine ,
hivyo baada ya kutokea kwa kifo cha David Mwangosi waandishi wa habari
waliandamana hadi Jangwani ambapo Waziri wa Mambo ya Ndani ya Nchi Dr.
Emmanuel Nchimbi alikwenda viwanja vya Jangwani kutoa pole kwa Waandishi
wa habari kufuatia kifo hicho kwa niaba ya Serikali lakini waandishi
walikataa uwepo wake katika kusanyiko lile.
Hatua ya wanahabari waliokuwa wamekusanyika Jangwani kumkataa Waziri Nchimbi ilisababisha Serikali kushindwa kutoa pole zao ambapo zingejumuisha Serikali na wadau wote.
Hatua ya wanahabari waliokuwa wamekusanyika Jangwani kumkataa Waziri Nchimbi ilisababisha Serikali kushindwa kutoa pole zao ambapo zingejumuisha Serikali na wadau wote.
Kwa hiyo tunawaomba waandishi wa
habari wanapoandika maoni au makala ni vema wakawasiliana na wahusika
au wanaowashutumu ili nao wapate fursa ya kujitetea na sio kuwalisha
mawazo ambayo hawakuwa nayo.
Aidha,waandishi wa maoni wasilazimishe
matakwa na maoni yao binafsi yaonekane kuwa sahihi na hivyo Serikali
lazima ifanye wanavyotaka wao na ni vyema wangepata muda wakamhoji
Waziri mwenye dhamana ya habari wakapata ukweli kuliko wao kumuhukumu
Waziri kwa kuwa tu wahariri wao wamewapa nafasi katika magazeti yao
kuandika maoni yao ambayo ni potofu na yanataka kujenga chuki dhidi ya
waziri mbele ya jamii
Vile vile ni jukumu la Waziri
kuzisemea sekta za habari,Vijana,Utamaduni na Michezo zikiwemo Taasisi
zote zilizopo katika sekta hizo na si vinginevyo.
Inashangaza kuona mwandishi wa maoni
katika gazeti la Mtanzania Jumapili akihoji Waziri kuzungumzia sekta ya
habari, vijana , utamaduni na michezo na Taasisi kama vile Shirika la
Utangazaji na mbio za Uhuru na kuziita ni porojo.
Watoamaoni wameshindwa hata kuona
mambo mazuri yaliyomo katika Kitabu cha Bajeti ya 2013/14 ikiwemo kuleta
Bunge muswada wa uanzishwaji wa Baraza la Vijana , na Muswada wa
kusimamia vyombo vya habari kwa ajili ya kuboresha maslahi na utendaji
wa wanahabari ikiwemo kuwa na Bima wanapokuwa katika kazi hatarishi.
Hata hivyo Mheshimiwa Waziri
anahuzunisha na vitendo vya kikatili ambavyo wanavyofanyiwa waandishi wa
habari na hivyo kutoa wito kwa wananchi kuviachia vyombo vya usalama
viendelee kufanya kazi yake
Kwa ujumla taarifa hizo zimemhuzunisha
Mh. Waziri kwa kuwa amekuwa akishirikiana na anaendelea kushirikiana
bila kuchoka na waandishi wa habari katika shughuli mbalimbali ziwe za
raha na huzuni.
This post was written by: Author Name
Your description comes here!
Get Free Email Updates to your Inbox!
Post a Comment