TUMEJIFUNZA NINI KUFUNGIWA WIMBO WA SNURA

Wizara ya Habari, Utamaduni, Sanaa na Michezo leo imetangaza kuufungia wimbo wa Snura ‘Chura’ pamoja na video yake.

Wimbo huo sasa hautakiwi kuchezwa tena kwenye redio na TV (sina uhakika kama video yake imewahi kuchezwa na TV yoyote). Kwa mujibu wa maelezo kwa vyombo vya habari, Snura ana nafasi ya kuirekebisha video hiyo kitu ambacho nadhani hakiwezekani kwakuwa wimbo nao umepigwa marufuku.

Serikali pia imesitisha ‘maonesho ya hadhara’ ya Snura hadi pale atakapojisajili BASATA.

“Serikali inawataka wasanii kujiuliza mara mbili kabla ya kubuni kazi zao za sanaa. Wafikirie wazazi, ndugu, jamaa na marafiki wanazipokeaje? Wavae nafasi ya wale wanaowadhalilisha. Waelewe kwamba sanaa si uwanja wa kudhalilisha watu hata kidogo,” yamesema maelezo ya wizara hiyo.

Kwa maelezo hayo inaonesha kuwa Snura ana nafasi ya wazi ya kurekebisha mambo na kuendelea na kazi kama kawaida japo hatoweza tena kuutumbuza wimbo huo uliotrend si tu Tanzania bali nje ya nchi.

Haya ni mambo ambayo nimejifunza kutokana na uamuzi huu na naamini ni somo kwa wasanii pia.

Youtube si kichaka cha kurundika ‘video chafu’

Snura alijua kuwa Chura ni wimbo wa kuweka mbali na watoto na lazima video yake ingezigusa sharubu za serikali kupitia taasisi zake husika kama vile BASATA, TCRA na zingine. Ndiyo maana alisema video yake ataitoa Youtube peke yake, kama alivyofanya Nay wa Mitego kwenye video yake ya ‘Shika Adabu Yako.’ Ni kwasababu imani ya wasanii wengi ni kuwa mkono wa serikali hauwezi kukufikia iwapo mambo yako utayamalizia mtandaoni tu.

Ni kweli kuwa Chura imtrend sana mtandaoni kutokana na clips za video za wanawake wenye mizigo mikubwa wakiucheza kwa madaha. Hakuna anayeweza kubisha kuwa clips hizo pamoja na video yake rasmi imekaa kushoto kimaadili hivyo si jambo la kushangaza serikali kucharuka – ni kitu tulichokitarajia.

Lakini cha muhimu ambacho wasanii wanatakiwa kujifunza ni kuwa si salama tena kufanya kitu controversial ukitegemea kuwa utakiweka Youtube na hakuna atakayejali. Tupo katika nyakati za hatari zaidi sasa hasa kutokana na kupitishwa kwa sheria ya makosa ya mtandaoni ambayo pornography ni kitu chenye adhabu kali huko.

“Serikali inawakumbusha wananchi wote kutojiingiza katika makosa ya sheria ya mtandao kwa kusambaza wimbo huu kwa njia yoyote ile ya kimtandao,” imeonya taarifa ya wizara hiyo. Japo sheria hii haijawa kali sana kwa sasa, bado wasanii wanaweza kupoteza mengi kama wakiamua kufanya vitu vinavyokiuka maadili kwa matarajio kuwa Youtube, Instagram au WhatsApp ni kimbilio na hakuna anayejali.

BASATA haina meno tena?

Awali tulikuwa tumezoea uamuzi wowote wa kufungiwa wimbo au msanii unafanywa na baraza la sanaa la taifa, BASATA au TCRA kwenye matukio machache. Lakini sasa uamuzi huo umechukuliwa na wizara yenyewe, kitu ambacho kimesababisha maswali mengi kuwa iweje uamuzi wa kuufungia wimbo wa Snura umechukuliwa na mamlaka ya juu zaidi! Pengine kuna mabadiliko ambayo sasa yanaifanya wizara kuingia front yenyewe! Hata hivyo kwenye mkutano na maofisa wa BASATA walikuwepo kama watu walioitwa kusikiliza tu.

Video chafu zinaharibu brand

Well, wanasema sex sells, hilo haliwezi kupingwa na ndio maana video nyingi za muziki zenye wasichana warembo wenye vichupi zina views nyingi Youtube. Lakini mara nyingi msanii anapojikuta kwenye mikasa ya kufungiwa kazi zake kwa kigezo cha ‘maadili’ hasa kwa kazi zinazofanana na Chura ya Snura humharibia sifa msanii na brand yake. Matokeo yake katika jamii msanii huyo huanza kuchukuliwa kama ‘aliyeshindikana’ au ‘mhuni’ na kama ikitokea mara nyingi, kibiashara hasa zile kubwa na zinazohusisha makampuni humwathi

Chanzo:Bongo5

Filed Under: SANAA NA MICHEZO, UTAMADUNI, WIZARA YA HABARI on Wednesday, May 4, 2016

NAPE APANIA MAGEUZI MAKUBWA TASNIA YA HABARI

Waziri wa Habari,Utamaduni,Sanaa na Michezo Mhe.Nape Nnauye akikabidhi Ipad tano kwa mkuu wa wilaya ya Bukoba Bw.Jackson Msome kwa ajili ya matumizi ya maafisa habari wa mkoa wa Kagera. Bwana Msome alikuwa akimwakilisha Mkuu wa mkoa wa Kagera, Meja Jenerali mstaafu Salum Mustafa kijuu.

Na Jacquiline Mrisho – MAELEZO

Sekta ya habari ni kiungo muhimu cha mawasiliano kati ya wananchi na serikali yao. Ndiyo maana wanazuoni hupenda kusema kuwa habari ni muhimili wa nne wa dola. Kwa kuzingatia umuhimu huo, katika kuchekecha huku na huko, Mhe. Rais wa Awamu ya Tano wa Jamhuri ya Muungano wa Tanzania, Dkt. John Pombe Magufuli akamteua mtu mahiri kuongoza sekta hii, Mhe. Nape Moses Nnauye.

Kwa uteuzi huu ninadiriki kusema hatimaye Wizara imepata mtu sahihi na mchapakazi anayeweza kwenda na kasi ya Mheshimiwa Rais Magufuli na ni dhahiri kabisa kuwa kumpa Mhe. Nape ni kuthibitisha usemi wa wahenga usemao upele umepata mkunaji.

Kwa jinsi hii tuna kila sababu ya kumshukuru Mwenyezi Mungu, Muumba wa Mbingu na Nchi kwa kutujalia kupata kiongozi wa nchi ambaye ni mchapakazi na aliyejaliwa kipawa cha kuona mbali kwa kuwaweka viongozi wa chini yake katika nafasi za uongozi wanazostahili.

Sekta ya habari ni sekta nyeti na muhimu sana katika dunia hii kwa kua bila kupashana habari na kujua kinachoendelea daima hakutakua na maendeleo kwa hiyo, ni sekta inayohitaji kuangaliwa kwa jicho la tatu ili kuhakikisha kwamba inachukuliwa uzito na inapewa kipaumbele kwa kupewa vifaa na elimu ya kutosha ili kuepusha upotoshaji na kukosekana kwa habari muhimu hasa za Serikali zinazotakiwa kuwafikia wananchi kwa muda husika.

Tukiangalia katika sekta ya habari, Mhe.Rais hakukosea kabisa kumuweka Waziri Mhe. Nape kwa kuwa ameanza kuitumikia Wizara kwa kasi nzuri na ameonyesha nia ya kuiboresha Wizara hasa kwa tasnia ya habari kwa kuanzia kwenye wizara yake hadi katika ofisi za umma zilizoko mikoani ili kuhakikisha wanahabari wote nchini wanatambua thamani ya kazi yao. 

Kwa maneno yake aliyoyatoa Jijini Mbeya alipokua akigawa vitendea kazi vya kisasa kwa ajili ya mawasiliano yaani ipad kwa maafisa mawasiliano wa mkoa huo alikaririwa akisema,"Nataka Wizara ihamie mikoani" hii haimaanishi kuwa Wizara ihamie mikoani kama alivyosema bali alimaanisha kiutendaji zaidi kuwa yale yote anayoyafanya katika Wizara yake atahakikisha na maafisa wa mikoani pia wanafanyiwa hivyo ikiwemo kugawiwa vitendea kazi pamoja na mambo mengine. 

Katika kuhakikisha hilo, kwa upande wa sekta ya habari, Waziri Nape ameanza kwa kugawa ipad  kwa maafisa mawasiliano walioko mikoa ya pembezoni ambao wana upungufu mkubwa wa vitendea kazi na kwa muda mrefu wameshindwa kuifanya kazi yao kwa ufanisi kwa sababu ya uhaba wa vifaa vya kufanyia kazi hiyo.

Ipad hizo zilizotolewa kama msaada kwa Wizara ya Habari, Utamaduni, Sanaa na Michezo na kampuni ya Startimes ambayo imeahidi kuwa bega kwa bega na Wizara hii  katika kuisaidia ili kuongeza ufanisi hasa katika sekta hii nyeti ya habari maana kwa maneno mengine tunaweza kusema sekta ya habari ndio daraja linalounganisha serikali na wananchi.

Siku aliyokabidhiwa ipad hizo Mhe. Nape alikaririwa akisema "Nawashukuru sana Startimes kwa kutujali,ipad hizi tutaanza kuzigawa kwa maafisa habari wa mikoa ya pembezoni kwa kuwa ndiko kuna uhaba mkubwa sana wa vifaa kwa maafisa hao"alisema Mhe Nape.

Maneno haya ya Mhe.Nape yanaungana na usemi wake wa kuifanya Wizara kuhamia mikoani kwa maana ya kuwapa kipaumbele katika kuwapatia vitendea kazi ili nao wasijione kuwa wametengwa au kutokuthaminiwa kama maafisa mawasiliano wengine hasa walioko Dar es salaam na mikoa mingine iiliyoendelea. Maana anaamini kuwa mikoani ndiko kuna wadau na ndiko ziliko shughuli nyingi kwa kuwa watu wengi wenye uwezo wa kuzikuza tasnia anazozifuatilia wapo mikoani.

Ni mengi sana Mhe.Nape ameyaongea hasa kwenye ziara zake alizozifanya kwenye baadhi ya mikoa kama Mbeya, Songwe, Rukwa, Katavi, Kigoma, Geita, Simiyu,Dodoma, Kagera pamoja na Mwanza ambako alipita kugawa ipad na kuangalia jinsi maafisa habari wanavyofanya kazi katika vituo vyao vya  kazi. Ziara hiyo pia inalenga katika kujua changamoto wanazokumbana nazo ili kuweza kufanya kila kinachowezekana kuzitatua ili kufanya sekta hii kufanya kazi ya kupeleka taarifa kwa wananchi kama inavyopaswa kufanyika ili kuendana na kasi ya Serikali ya Awamu ya Tano inayoongozwa na Jemedari Mkuu Mhe. Rais John Pombe Magufuli.

Kiongozi huyu ameongelea kuhusu Muswada wa Sheria ya Huduma za Vyombo vya Habari ambao ulishirikisha wadau mbali mbali hasa wahariri pamoja na wamiliki wa vyombo vya habari kutoa maoni yao ambayo kwa asilimia 99 maoni hayo yamewekwa katika muswada huo.

"Muswada huo umeshakamilika, uko tayari kufikishwa bungeni, pia nataka niwathibitishie kuwa muswada huo utalinda maslahi ya waandishi wa habari kuanzia mishahara yao, mikataba ya kazi zao pamoja na bima ya matatizo wanayoyapata kwenye kazi zao lakini muswada huo utakua na sheria zitakazobana ufundishwaji wa masomo ya habari ili tupate waandishi ambao wamebobea katika fani hiyo" alisema Mhe. Nape.

Ndoto ya changamoto zinazoikabili tasnia ya habari mikoani zinakaribia kuwa historia kwa kuwa Waziri Nape amepanga kuleta teknolojia mpya na kuzitoa zile zilizopitwa na wakati ili kuharakisha ufanisi wa utoaji wa taarifa, kuweka busta kwa baadhi ya maeneo ili televisheni ya taifa (TBC) iwe bora zaidi na kuongeza urefu wa minara ili matangazo yafike mbali zaidi.

Waziri Nape ameamua kuboresha urefu wa minara ili matangazo yafike mbali kwani mikoa mingi ya pembezoni imepakana na nchi ambazo teknolojia zao za mawasiliano ni kubwa kiasi kwamba wananchi wengi wa mipakani wanasikiliza redio za nchi jirani na kuacha kusikiliza redio za hapa nyumbani Tanzania.

Katika harakati za kuboresha tasnia ya habari, Mkuu wa Mkoa wa Mbeya, Mhe. Amos Makalla ameelezea changamoto na jinsi alivyopanga mikakati ya kusaidia na kuiboresha tasnia hii mkoani kwake ambapo alikaririwa akisema "Mkoa wangu unaomba kibali cha kuajiri maafisa habari ili kila Halmashauri iwe na afisa habari wake pia naahidi kuendelea kutenga bajeti kwa ajili ya kununua vitendea kazi vya maafisa hao".

Wakati huo huo, Mamlaka ya Mawasiliano Tanzania (TCRA) imetoa wito kwa wananchi kuanzisha vituo vya utangazaji 19 katika Wilaya na Halmashauri mbalimbali na wamewaomba wadau kutuma maombi kabla ya Aprili 29 mwaka huu.

Akiongea katika mkutano wa Mhe.Nape na wadau wake, Meneja wa Mamlaka ya Mawasiliano Tanzania Nyanda za Juu Kusini, Mhandisi Lilian Mwangoka alisema, "Mamlaka ya Mawasiliano ipo tayari kushirikiana na wananchi kuongeza vituo vya utangazaji ili kuongeza idadi ya vituo na kuongeza fursa katika ukusanyaji wa kodi".

Aidha, Waziri Nape amesisitiza suala la maafisa habari kupewa ruhusa ya kushiriki katika vikao vya maamuzi ili wajue mambo yanayoendelea katika ofisi zao kwani kufanya hivi kutasaidia maafisa habari kuacha kuwakimbia waandishi wa habari na badala yake kuwapa taarifa kamili ili wakawajulishe wananchi taarifa sahihi kuhusu Serikali yao.

Akiongea kwa kujiamini Waziri Nape amehakikisha kuwa yote yatawezekana maana fedha za kutatua kero hizo zitapatikana kwa kuwa Mhe.Rais tayari alifanya maamuzi ya kuziamuru taasisi zote za Serikali zilizopewa huduma ya kutoa matangazo yao kupitia Televisheni ya Taifa bila kulipa waanze kulipa madeni yao mara moja kwa hiyo fedha hizo ndizo hasa zitatumika katika kuboresha tasnia hii.

Sasa ni wakati wa maafisa habari pamoja na waandishi wa habari wote nchini kuunga mkono jitihada za waziri wetu kwa kufanya kazi za kukusanya na kutawanya taarifa kwa ufanisi na usahihi wa hali ya juu  ili kuifanya jamii ielewe umuhimu wetu pamoja na kukuza uchumi wa nchi kupitia taarifa tunazozitoa kwenye vyombo vya habari.

Wahenga wanasema Taifa lisilo na taarifa haliwezi kukua kiuchumi, litadumaa. Hivyo tumuunge mkono Mzalendo huyu ili kukuza na kuinua Tasnia ya Habari na ionekane kweli kuwa muhimili wanne wa dola ambao unachangia kwa kiasi kikubwa katika kuleta maendeleo.

Filed Under: SANAA NA MICHEZO, UTAMADUNI, WIZARA YA HABARI on Thursday, April 28, 2016

SERIKALI YAWAPONGEZA WASANII RICH RICH NA LULU KWA USHINDI WA AMVCA2016

Katibu wa Bodi ya filamu ya ukaguzi na Michezo ya kuigiza, Bi. Joyce Fisso akiwatambulisha wasanii kwa Waziri wa Habari,Utamaduni, Wasanii na Michezo, Nape Nnauye (kulia) wakati wa mkutano huo mapema leo 7 Machi

Msanii wa filamu ya Shoe Shine na Samaki Mchangani, Amri Shivji akitoa shukrani zake kwa Serikali. Shivji naye filamu yake ya Samaki Mchangani iliweza kushiriki katika tuzo hizo za AMVCA 2016, kama filamu ya Kiswahili.Msanii Single Mtambalike 'Rich Rich' akizungumza machache juu ya ushindi wake ambapo pia ameipongeza Serikali kwa ushirikiano waliowapa hadi kufikia hapo.

Msanii wa filamu ambaye naye filamu yake ilishiriki katika tuzo hizo za AMVCA 2016 akitoa shukrani zake kwa Serikali

Waziri wa Habari,Utamaduni, Wasanii na Michezo, Mh. Nape Nnauye (katikati) akizungumza juu ya kuwapongeza wasanii Rich Rich na Lulu Michael kwa ushindi wao katika tuzo za AMVCA 2016 zilizofanyika nchini Nigeria mwishoni mwa wiki. Wengine ni viongozi wa Wizara hiyo.. Mapema leo 7 Machi.2016

Mkutano huo ukiendelea...

Waziri wa Habari,Utamaduni, Wasanii na Michezo, Nape Nnauye akimkabidhi cheti maalum cha pongezi, Msanii wa filamu Amir ShivjiWaziri wa Habari,Utamaduni, Wasanii na Michezo, Nape Nnauye akitoa vyeti kwa wasanii waliofanya vizuri.

Waziri wa Habari,Utamaduni, Wasanii na Michezo, Nape Nnauye akimkabidhi cheti cha pongezi Joseph Lukaza Mwakilishi wa Proin akipokea cheti kwa niaba ya msanii Elizabeth Michael 'Lulu' ambaye bado hajarudi kutoka Nchini Nigeria.

Waziri wa Habari,Utamaduni, Wasanii na Michezo, Nape Nnauye akimkabidhi cheti Msanii Rich Rich kama pongezi kwa Serikali. Kulia anayeshuhudia ni Katibu wa Bodi ya filamu ya ukaguzi na Michezo ya kuigiza, Bi. Joyce Fisso wakati wa mkutano huo mapema leo 7 Machi.2016

Waziri wa Habari,Utamaduni, Wasanii na Michezo, Nape Nnauye akipokea tuzo hiyo kutoka kwa msanii Rich Rich.

Waziri wa Habari,Utamaduni, Wasanii na Michezo, Nape Nnauye akiwa amebeba tuzo hiyo kama ishara ya kuwawakilisha watanzania wote.

Waziri wa Habari,Utamaduni, Wasanii na Michezo, Nape Nnauye na Msanii Rich Rich (katikati ) wakiwa katika picha ya pamoja wasanii wengine na viongozi wa Wizara hiyo.

Katibu wa Bodi ya filamu ya ukaguzi na Michezo ya kuigiza, Bi. Joyce Fisso akipiga picha ya ukumbusho na Msanii Rich Rich wakati wa mkutano huo mapema leo 7 Machi.2016. Mkutano huo uliofanyika jijini Dar es Salaam. (Picha zote na Andrew Chale, Modewjiblog).

 

Serikali kupitia Waziri wa Habari, Utamaduni, Wasanii na Michezo, wamewapongeza wasanii wa Tanzania kwa kuipeperusha vyema Bendera ya Tanzania nje ya mipaka kwa kufanya vizuri na kuibuka na ushindi ikiwemo tuzo katika filamu bora za Kiswahili zinazotoka Tanzania.

 

 

Akitoa pongezi hizo mapema leo 7 Machi.2016, Waziri wa Habari, Mh. Nape Nnauye aliyetembelewa ofisini kwake na wasanii mbalimbali wa filamu nchini waliowasindikiza washindi wa tuzo hizo za African Magic Viewers’ Choice Awards (AMVCA2016) zilizotolewa mwishoni mwa wiki nchini Nigeria,

Akiwemo mshaindi wa tuzo ya filamu Bora ya Lugha ya Asili (Best Local Language -Swahili) kupitia filamu ya ‘Kitendawali’, Msanii Single Mtambalike ‘Rich Rich’ pamoja na Rais wa Shirikisho la Filamu Tanzania (TAFF),Simon Mwakifwamba ambapo Waziri aliwapongeza kwa mshikamano wao huo waliouonyesha na hata kurudi kutoa pongezi.

 

 

Waziri Nape amebainisha kuwa, awali Rich Rich kabla ya kwenda Nigeria, alipata Baraka kutoka kwake hivyo hata kurejea kutoa shukrani ni jambo jema huku akieleza kuwa, Serikali itahakikisha inawalea wasanii katika umoja pamoja na kuweka mazingira mazuri ya ufanisi katika shughuli zao ikiwemo kuandaliwa Sera, kanuni na misingi ya sharia katika kuifanya tasnia ya filamu kuwa ya kimataifa zaidi na yenye kuleta fursa za ajira kwa wasanii ndani na nje.

 

 

“Kwa nafasi yangu ya Uwaziri. Nitahakikisha nawapigania wasanii kufikia malengo tuliyoyakusudia. Hii ni paamoja na kuwa na Sera madhubuti na kuzuia mianya ya wafujaji wa kazi za Wasanii wa Tanzania. Serikali ya awamu ya tano kupitia kwa Rais wetu Mh. Dk. John Pombe Magufuli ameanza na ili la stika za TRA

na munashuhudia wenyewe Mamlaka ya Mapato inavyopambana na watu wanaorudisha maendeleo ya wasanii nyuma kwa kufunga maduka yao huu ni mwanzo tutapambana mpaka mwisho katika hili” alieleza Mh.Nape na kupaata pongezi kutoka kwa wasanii wenyewe ambao waliweza kushangilia kwa kauli hiyo ya matumaini huku wakipiga makofi.

 

 

Aidha, katika tukio hilo, Serikali imeweza kuwatunukia wasanii hao walioshinda tuzo hizo za AMVCA 2016 vyeti maalum vya shukrani hii ni pamoja na wasanii wote ambao filamu zao pia zilienda kushindanishwa huko pamoja na waandaaji waliowezesha filamu hizo kwa mchango wao mkubwa.

Katika tuzo hizo mbali na Rich Rich, kushinad tuzo hiyo, Msanii mwingine aliyeshinda ni pamoja na Msanii Elizabeth Michael (Lulu) akishinda tuzo ya Filamu Bora ya Afrika Mashariki (Best Movie -Eastern Africa) kupitia filamu yake ya ‘Mapenzi’.

Filed Under: UTAMADUNI, WASANII NA MICHEZO., WIZARA YA HABARI on Tuesday, March 8, 2016