Kikosi cha Young Africans ambacho kimeingia kambini tangu jana jioni
kujiandaa na mchezo dhidi ya African Lyon siku ya jumatano katika Uwanja
wa Taifa , leo asubuhi kimefanya mazoezi katika uwanja wa mabatini
kijitonyama ikiwa ni sehemu ya maandalizi ya mchezo huo wa keshokutwa.
Young Africans inaongoza msimamo wa
ligi Kuu ya Vodacom kwa kuwa na point 33, sawa na timu ya Azam FC yenye
point 33, lakini timu ya Yanga ikiwa imecheza michezo 15 na kufunga
mabao 29 na kufungwa 12, huku Azam ikiwa imecheza michezo 16 na kufunga
mabao 27 na kufungwa mabao 14.
Wachezaji wote wameonekana
kuwa wenye morali ya kusaka pointi 3 muhimu ambazo zitaifanya timu
iendelee kuongoza msimamo wa Ligi Kuu pamoja na kujitengenezea mazingira
ya kutwaa Ubingwa.
Kocha Mkuu Ernest Brandts amesema
amefurahishwa na nidhamu ya hali ya juu kwa wachezaji wake, kwani
wachezaji wote wameweza kufanya mazoezi ya leo, wachezaji watatu walikua
nje ya nchi na watano walikua timu ya Taifa Tanzania (Taifa Stars) kwa
ajili ya michezo ya kirafiki lakni wote wameweza kufanya mazoezi leo.
Mbuyu
Twite ndio mchezaji pekee ambaye hakuweza kufanya mazoezi leo kutokana
na kupata majeraha katika mchezo wa kirafiki wa timu yake ya Taifa
(Rwanda) dhidi ya timu ya Uganda, hivyo atakua nje kwa siku tatu huku
akiendelea kupata matibabu.
This post was written by: Author Name
Your description comes here!
Get Free Email Updates to your Inbox!
Post a Comment